នាយករដ្ឋមន្ត្រីសម្រេចដាក់ឱ្យប្រើប្រាស់អនុក្រឹត្យចាស់ស្ដីពីការបង្កើតតំបន់គ្រប់គ្រងនិងការពារសត្វផ្សោតទន្លេមេគង្គឡើងវិញ
ភ្នំពេញ៖ នាយករដ្ឋមន្ត្រីកម្ពុជា សម្ដេចតេជោ ហ៊ុន សែន បានសម្រេចនិរាករណ៍អនុក្រឹត្យថ្មីស្ដីពីការកំណត់តំបន់គ្រប់គ្រងសត្វផ្សោតទន្លេមេគង្គ និងជំនួសមកវិញដោយអនុក្រឹត្យចាស់ឡើងវិញ បន្ទាប់ពីសម្ដេចបានសម្រេចកាលយប់មិញជាមួយរដ្ឋមន្ត្រីក្រសួងកសិកម្ម។
ក្នុងអនុក្រឹត្យចុះថ្ងៃទី២៧ ខែមេសា ឆ្នាំ២០២៣ សម្ដេចតេជោ ហ៊ុន សែន បានសម្រេចនិរាករណ៍អនុក្រឹត្យលេខ៤៧ ចុះថ្ងៃទី២៧ ខែកុម្ភៈ ឆ្នាំ២០២៣ ស្ដីពីការកំណត់តំបន់គ្រប់គ្រងសត្វផ្សោតទន្លេមេគង្គ និងដាក់អនុវត្តន៍ឡើងវិញនូវងនុក្រឹត្យលេខ១៥៥ អនក្រ.បក ចុះថ្ងៃទី២៥ ខែកញ្ញា ឆ្នាំ២០១២ ស្ដីពីការបង្កើតតំបន់គ្រប់គ្រងនិងការពារសត្វផ្សោតទន្លេមេគង្គឡើងវិញ។
ការលុបចោលអនុក្រឹត្យថ្មីនេះត្រូវបានសម្ដេចតេជោបញ្ជាក់កាលពីព្រឹកថ្ងៃទី២៧ ខែមេសានេះថាដើម្បីការពារប្រយោជន៍របស់ប្រជានេសាទកម្ពុជា៕
ព័ត៌មានជាច្រើនទៀតសម្រាប់អ្នក
